Светот на Биби

Започнавме срамежливо, но сигурни дека сме на вистинскиот пат – создавајќи го ликот на малото палаво девојче со црна коса, сини очи, секогаш подготвено за авантури и за учење. На почетокот таа беше само лик кој ја красеше страницата за добри родители www.deca.mk, но набрзо посакавме да биде повеќе од тоа. Посакавме Биби да им стане најдобра другарка на децата! И после неколку години години среќни сме што успеавме во тоа. Биби почна да ги освојува јутјуб-просторот и детските срца. Започнавме со учење на буквите и „Азбуката на Биби“, што до денес е најпопуларното видео со повеќе од 4,6 милиони прегледи. Освен анимациите, нешто на што сме особено горди е новиот образовен модел „Бибиверзум“, каде што преку ликовите од „Светот на Биби“ многу деца успешно следат настава. Имаме над 100 различни производи со ликовите на Биби, специјализирани продавници низ Македонија и онлајн-продавница www.svetotnabibi.mk. Тимот на „Светот на Биби“ нема да мирува. Ви ветуваме уште многу минути радост, уште многу редови приказни, сето тоа зачинето со многу љубов за децата – нашата верна публика.